TEMI.mk

Vasko Beleski

Денови на жалост се, не знам како вие е на вас, но мене срцево ми се кине кога само ќе помислам на тоа што се случи на 16.03.2025 во Кочани.
Не ми се отвора повеќе ни социјална мрежа кога го гледам неодговорното однесување на поединци — кој собира политички поени, кој се сити, а кој собира лајкови кои се имагинарни и не важни за животот.
Читам многу апели како што треба да се постапува, но, добри луѓе, ајде да бидеме искрени: дали треба НИЕ некого да учиме како да се однесува?
Ако тој не го научил тоа дома, од дома се учи да се каже "добар ден", од дома се учи дека на улица не се остава ѓубре, од дома се учи кога некој не е до тебе, не се озборува, од дома се учи дека оценката што ќе ја добиеш треба да ја заслужиш, а не да ти ја купат.
Од дома се учи дека треба да чекаш во ред и да ги почитуваш оние што дошле пред тебе; општа култура е да паркираш каде што е нацртано, а не каде што ќе ти текне. Општа култура е да возиш како што пишува, а не како што ќе ти текне; општа култура е на црвено да чекаш и да ги почитуваш пешаците. Морал е да се бориш како граѓанин против дрогата, а не да ја користиш истата за да дојдеш до пари.
Лојалност е, ако си на функција, да му служиш на народот, а не тој да ти служи тебе.

Ценам дека, ако сите овие работи ги почитувате( ме) и не сте се пронашле во ниту една точка од другата страна, тогаш обврска и право е да ги коригирате и другите.
А ако не, тогаш гасете Фејсбук, наведнете ја главата и молете се, барајте ги грешките кај себеси и помогнете им на другите.🙏

Јас така гледам кај себе: прво своите грешки, а потоа, ако е можно, ги коригирам другите. Бидејќи според мене, само тоа е вистинската водилка во животот — не му прави на никого нешто што не сакаш тебе да ти го прават.

Да се помолиме уште еднаш за трагично загинатите; нека почиваат во мир, а нивните души нека најдат мир таму горе на небото. 💔💔💔

Vasko Beleski

Нажалост, стигна и веста дека и пеачот Андреј Ѓорѓиески од групата ДНК е еден од загинатите во пожарот во дискотеката во Кочани, кој избувна утринава пред 3 часот.
Боже дај им сила на семејствата на загинатите да ги преживеат овие тешки моменти 🙏🙏🙏 Почичивај во мир Андреј вечна ти слава и фала🙏

Vasko Beleski

Утрово се разбудив со кобната вест од страшната трагедија во Кочани каде изгоре една Дискотека при настапот на групата ДНК. Поради немарност на човечки грешки според официјалните информации до моментов загинаа 51 млади лица а преку 100 се повредени. Бог да ги прости и нека почиват во мир, сочуство до фамилите. Тажен ден за Македонија. Нашите мисли се со вас 🙏🙏🙏

Vasko Beleski

Нема да судам кој е во право кој не, но активистов сакала Србија да има како Заев , па вие сами заклучете какви се тие кои денес протестираат во Белград!

Vasko Beleski

Франција била изненадена од гласањето на Македонија за резолуциите за Украина: „Одлуката беше неочекувана“, изјавил амбасадорот. А бе, амбасадоре, ние не само што сме изненадени од вашите двојни аршини, туку и отрпнавме од вашите расистички политики кон Западен Балкан и Македонија

Vasko Beleski

На сликата, на левата страна е Фросина, младо девојче полно со животна енергија, кое со радуваше на својот пат. На десната страна се наоѓа таткото на возачот Васил Јованов (сликата е превземана) , момче од 20 години без возачка дозвола, кој ја усмрти младата Фросина во трагичен инцидент во Скопје.

Моето најискрено сочувство до родителите на Фросина за оваа неподнослива загуба. 🥲

Овој случај освен што предизвикува длабока болка, истовремено укажува на неопходноста за коренити промени во размислувањето на родителите. Љубовта кон детето не се изразува единствено преку материјални подароци, туку и преку време што родителите го вложуваат во образованието и воспитувањето на своите децa.

Случајот со Фросина поставува многу важни прашања за законските и етичките одговорности на родителите. Таткото на возачот, кој му купил автомобил на своето дете без возачка дозвола, би требало да биде подложен на правни последици. Небројни информации укажуваат дека тој неколку пати влијаел на институциите кога неговиот син бил обвинуван за криминални дела.

Според неофицијални информации, тој имал политичка поврзаност со ВМРО-ДПМНЕ. Во таа смисла, бараме транспарентност и етичка одговорност. Ние, како општество, мораме да бидеме сигурни дека правдата ќе биде применета, без оглед на политичката позадина на засегнатите.

Повикувам на заедничко дејствување:
1) Демонстрација на одговорност од страна на партијата доколку е така!
2) Пренос на информации до јавноста за токму овој случај
3) Обезбедување на правни последици за сите одговорни, со цел да се спречат слични трагедии во иднина.

Ова трагедија е повик за нова свест во нашето општество, особено меѓу родителите. Само со активно учество и свесност можеме да изградиме побезбедна иднина за нашите деца. Нека овој нњсреќен случај биде пример за сите нас – врата за нов почеток во одговорното родителство.
Имате деца, гледај те ги, бидејќи многу е тешко кога ги немаш🥲

Vasko Beleski

Албнците биле државотворен народ, вели младиоб г-н на К-5, ајде дасе потсетиме
дали било така:

Најистакнат политички раководител на Македонската балистичка организација бил Кадри Сали, претседател на организацијата во Гостивар и претседател на Фашистичката партија во Гостивар, член на Корпоративниот комитет во Тирана и член на Окружниот комитет на организацијата на Косово. Најголем замав ширењето на Организацијата имало со појавувањето на Џемаил Хасани - Џемо (1908-1945) од с. Симница, Гостиварско. Најпрвин Џемо во 1942 година, пред појавувањето на балистичката организација, со околу 40 души Албанци се одметнал в шума, наводно за борба против Италијанците, а, всушност, оттаму вршел терор врз македонското население. Италијанците, за да го искористат за борба против партизанските единици во Македонија, го поткупиле за големи пари и му дале чин мајор. Неговата месечна плата изнесувала околу 50.000 леки, додека членовите на неговата група уживале многу привилегии. Затоа, тој целосно се ставил во служба на италијанската власт. По доаѓањето на Германците, тој и со нив ја продолжил соработката. Со благослов на Италијанците, а потоа и на Германците, балистите вршеле такви злосторства, насилства, пљачкосување и друго, што предизвикало страв и иселување на македонскиот народ. Во Кичевската околија балистите ги раководел Мефаил Еипов - Мефо од с. Зајас, кого најпрво Италијанците го унапредиле во чин капетан, а потоа и Германците го исползувале за свои цели.
Џемо Хасани ги собирал масите под паролата: „Бидете со мене и тргнете во борба против партизаните за да не ве мобилизираат Германците за Источниот фронт". Луѓето ги вооружувал со италијанско оружје. Тоа било причина македонското население, за да се спаси од натамошните непријателски активности против него, да бега на територијата под бугарска окупација. Балистичката организација во Западна Македонија во 1944 година нараснала во оружена сила со околу 9-10.000 членови. Наоружани од Германците, воделе тешки борби со Народноослободителната војска. Покрај тоа, имале огромни привилегии, поради што на крајот станале добро организирана оружена организација, која била единствена власт и како таква ги спроведувала и ги штитела "законите" на албанската власт во Западна Македонија. Нејзиното дејствување било директно на терен, и тоа не само политички и пропагандно, туку и со оружени дејства.
Резултатите од нивното дејствување по однос на македонскиот народ биле катастрофални, бидејќи цели семејства и села, за да се спасат, бегале од своите огништа. Тоа било причина да се промени демографската состојба на населението во полза на албанското население, како и промена на културните, социјалните, економските и други прилики во сферата на општественото живеење.
ОЗНА (подоцна УДБА и КОС) ја презеле борбата против балистите во западна Македонија, кои броеле околу 8.000 по крајот на Втората светска војна. Во периодот 1945-1948 биле разбиени нивните групи, а водачите биле убиени.

Vasko Beleski

Трамп е новиот претседател на САД.
Победи политиката на семејни вредности и економија наспроти либерализмот и левичарите. Светот може да здивне, надежда за мир е на прагот! Честитки за Трамп

Vasko Beleski

Овој пост сакам да му го посветам на човекот за кој преку ноќ дознавме дека бил научник. Во Македонија имаме повеќе Телевизии каде секоја вечер на дебати се вртат едни те исти имиња, во главном тоа се или гласноговорници на партиите или, таканаречени новинари или пак пратеници на кои фамилите им се тука на топло во Скопје. Ниту една од тие телевизии не успеа да го забележат нашиот Никола Тесла.
Деновиве сите научивме кој е Васко Саздовски, научникот кој работеше во Институтот „Биосенс“ во Нови Сад и загина во големата несреќа при пад на настрешница на железничката станица во Нови Сад.
Сите требаше да имаме слушнато дека Македонија го има Васко Саздовски, доктор на науки, кој заврши на Универзитетот Кренфилд. Да знаеме дека првенецот на генерација на Воената Академија, после одличните резултати на Академија грабаше напред, се бореше, учеше, се надградуваше и достигнуваше. Се трудеше да успее во сопствената земја, да го донесе она што го научи надвор! Даваше сѐ од себе. Знаеше многу, но никој за него не знаеше. Тука никој не го забележа. Не затоа што не вредеше. Напротив! Затоа што никој не сакаше да го забележи. Затоа што во оваа сурова земја успехот никој не го забележува. Талентот, интелегенцијата никој не ги наградува. Таквите умови ги бркаме од дома!
Неговиот робот кој одгледуваше стевија во неговиот роден крај, Свети Николе, не беше доволно интересен за македонскиот Фонд за иновации. Само затоа што Васко не беше нечие дете, затоа што Васко не беше дел од ниту една партија. Проектот на Васко Саздовски не беше фантомски за да добие пари! Беше реален, беше оригинален, беше иновативен. Но ете, не ги исполнуваше критериумите на нашиот Фонд зашто во неговиот проект парите ќе се користеа за конкретни цели, а не за делење. Почивај во мир голем човеку!!!

Vasko Beleski

Тие што ме знаат , знаат дека Охрид ми е во срцево. Но понекогаш на реалноста мора да и погледнеме в' очи.
Денес на ТВ имаше интервју на некоја си госпоѓа која ги застапува хотелиерите или оние кои се задолжени за "туристите" да се чувствуваат добро и удобно и со надеж да останат подолго и со тоа да придонесат за касата на град Охрид.
Темата беше " Охрид бил скап и патиштата биле катастрофални " Со првото неможам да се сложам потполно но со второто да, но она што е очигледно е дека бо Охрид недостасува стручен кадар на кувари, келнери и секако хигиеничари.
Не е се до цената драги Охриѓани, не е и до патот ( знам ни треба пат) но до вас е, или до нас!
Прво и основно ајде да се запрашаме кој кува во најелитниот камп во Градиште кој некогаш беше поим за елитност? Еве да не се мачите млади деца кои штотуку завршиле некоја си школа и сега дошле тука да заработат , сосема легитимно но не го испекле куварскиот забает бо некоја школа, асо тоа се лишени од искуството да се знае да се спрема храна, значи она што ние секој ден го абсорбираме. Им направил некој мени , каде што пишува Цезар салата меѓу другото со "дресинг сос". Ти носат "бајата салата" со малку тврдо месо и со многу мајонез. Веднаш рекламираш , доаѓа девојчето ( крлнеркаќ) ги крева рамениците и вели , тоа е господине " цезар сос" ( така и рекле) Прашуваш ама во менито би пишува "дресинг сос" не упорна е , тоа немаме, ама ви пишува велиш( види на првата слика лево?) И приказната оди понатаму одиш на барот , таму седнато младо комче од ( бил газда) секако со цигара и веќе ужива во бизнисот, но те игнорира и иако гледа дека има проблем се прави како ништо да не било. И тука завршува приказната, нема извини, нема како може да се поправиме, едноставно плаќаш и никогаш тука повеќе не седнуваш.
Да не речите дека е ова "хардкор пример" еве уште еден пример, седнуваш во познатиот рибен ресторан на плоштад во Охрид, со цел да нарачаш рибна чорба. Влегуваш внатре, додуша едно симпатично девојче те пречекува и добиваш убав впечаток, но истиот изчезнува по 5 минути чекање да бид@еш пеќашан што сакаш а ресторанаот полупразен. Се вртиш наоколу и гледаш две момчиња си расправаат нешто меѓу себе( келнери) и две девојчиња од друга страна ( келнерки) до мобилните враце, а ти 185 висок, плус впечатлив човек никако да те за приметат дека си тука и да те прашаат. После 5 минути се решаваш да станеш и да им укажеш дека сакаш да нарачаш нешто. Пак нема извинување, после некое време чорбата беше на маса, пробуваш и не ти се јаде, млака да не речам ладна. Го повикуваш келнерот и го прашуваш дали знае како се служи рибна чорба, како од пушка рече "жешка". Знае, ама сепак чорбата ја послужи млака, значи не прашал, но не го интересира.
Одиш после да платиш паркинг, и ти вели 200 денари, го прашуваш зошто 200 денари вели, па два часа, како два часа кога се 90 мин? Е така ние наплаќаме за два часа. Ок му давам картичка, неможи вели само "Кеш" , Значи паркираш 90 мин а плаќаш за 120. Што приметуваме овде ? Интервалот мора под хитно да се промени барем на 30 минути ( ако тоа од некои причини не може на 15 мин) и под хитно да се инсталира можност за дигитално наплаќање. 2024 година сме и мора да одиме напред.

Имам уште многу непријатни примери само од ова лето кои јас како Охриѓанец ги доживеав но не е фер... а ги пишувам овде јавно со надеж дека некој ќе се пронајде во текстов, и се надевам ќе сватат дека не е до гостите туку до вас е, и не е крив само автопатот Кичево Охрид, барајте ја вината во вашите услуги, во во вашиот квалитетот.

Како пример еве ви ја Опатија Хрватска имаа средени патишта ама многу лош квалитет на храна( зборувам за малите приватни ресторани), а услугите им се попратени со многу голема ароганција останата уште од бивша Југославија, поради што никогаш нема да појдеш.
Значи до нас е, да работиме на квалитетот и да им оставиме на новоизбраниците на новата влада да си ја завршат работата и нашите патишта да ги направат како што доликува. А дотогаш , фатете се за работа и исчистете во вашиот двор, не мора да е ново но чисто.
Најлоши гости не се тие што ќе ве рекламираат, туку точно тие што ќе си заминат и никогаш нема да се вратат назад. И да не бидам погрешно разбран не е ова генерална слика за Охрид, туку само тензија на се повеќе лоши услуги која во последно бреме зема многу брз замав
-----------
Сликите се Мени од еден бар- ресторан во Градиште, плажа во Градоште каде што бара 400 денари лежалка и ќе мора да пиеш нешто за парите , и третата слика е генерална слика за многу места бо Македонија..... да неможеш да поминиш .... не сакам да навлегувам кој треба да чисти,